تایبه‌تمه‌نده‌كا ژنان و زارۆك بوونێ راگه‌هاند، كو ئافره‌تا 22 سالى یا ناحییا خانكێ چار زارۆك بووینه.
د. رێژن سلێمان تایبه‌تمه‌ندا ژنان و زارۆك بوونێ دیاركر، ل رۆژا 17ى ئه‌ڤێ هه‌یڤێ ئافره‌ته‌كا 22 سالى ژ ناحییا خانكێ گه‌هشته ده‌ڤ وان و یا ب دووگیان بوو د هه‌یڤا حه‌فتێدا بوو و هێشتا دوو هه‌یڤ بۆ ژڤانێ وێ یێ زارۆك بوونێ مابوون، و پشتى پشكنین بۆ هاتینه كرن، دیاربوو كو ب چار زارۆكان یا ب دوو گیانه و پێدڤى ب نشته‌رگه‌رییێ هه‌بوو، هه‌ر چار زارۆكێن وێ كور بوون و كێشا وان دناڤبه‌را كیلۆیه‌ك بو كیلۆ و نیڤاندابوو.
زێده‌تر د. رێژین سلێمان ئاشكراكر، نه‌خۆشا وان به‌رى نوكه بۆ ماوێ چار سالان زارۆك نه‌ببون، و سه‌ره‌دانا نوشداره‌كى كربوو و چاره‌سه‌رى وه‌رگرتبوو، و ژ ده‌ر ئه‌نجامێ ئه‌وێ چاره‌سه‌رییێ ب جێمكه‌كێ چار زارۆكى ب دوو گیان كه‌ڤت، و نوكه ره‌وشا ئه‌وێ ژنێ و زارۆكێن وێ ژى یا باشه.
