<h3 style="text-align: justify;"><span style="font-size: 18pt;">پۆلیسێن ئیتالیا شه‌ش قاچاخچى ده‌سته‌سه‌ركرن كو ب تومه‌تا ب قاچاخبرنا كوچبه‌رێن كورد ژ عیراق و سووریا بۆ وه‌لاتێن ئورۆپا هاتبوونه تومه‌تباركرن.</span></h3> <h3 style="text-align: justify;"><span style="font-size: 18pt;">ئه‌ڤرۆ 19ى كانوونا ئێكێ یا 2022ێ سایتێ فه‌رمییێ ده‌ڤه‌را شنگن به‌لاڤكر، كه‌سه‌ك ب تومه‌تا برێڤه‌برنا توره‌كا قاچاخچییان هاتییه تومه‌تباركرن كو كوچبه‌ران ژ میلانو ڤه‌دگوهێزنه سویسرا و ئه‌لمانیا.</span></h3> <h3 style="text-align: justify;"><span style="font-size: 18pt;">ل دووڤ سایتێ ناڤبرى ئه‌و كه‌سه دژییێ 41 سالییێدایه و خه‌لكێ جه‌زائیرێ یه و رووبروو تومه‌تا هاریكارییا ب قاچاخبرنا كوچبه‌ران بشێوه‌یه‌كێ نه‌قانوونى بوویه، و ل ده‌ڤه‌ره‌كا باكوورێ میلانو ژلایێ پۆلیسانڤه هاتییه ده‌سته‌سه‌ركرن.</span></h3> <h3 style="text-align: justify;"><span style="font-size: 18pt;">به‌رپرسێن ئیتالیا دبێژن: تومه‌تبارى پێشوازى ل ئه‌وان كوچبه‌ران كرییه كو ب شه‌مه‌نده‌فرێ گه‌هشتینه ده‌ڤ وى و بشێوه‌یێ ده‌مكى ل مالا وى ماینه، میدیا یا ئیتالیا دیاركر، ئارمانجا وان كوچبه‌ران ئه‌وبوو بچنه ئه‌لمانیا، ژبلى هندێ دلێكۆلینێن هه‌ڤپشك یێن به‌رپرسێن ئیتالیا و سویسرا دا ده‌ركه‌ڤتییه، ئه‌وى كه‌سى شانه‌یه‌ك درووستكرییه كو كوچبه‌ران بێى به‌لگه‌نامه‌یێن عیراقى و سوورى ژ میلانو بۆ باكوورێ ئورۆپا ڤه‌دگوهێزن.</span></h3> <h3 style="text-align: justify;"><span style="font-size: 18pt;">ل ده‌مێ ئوپه‌راسیۆنێ پۆلیسان پێنج تومه‌تبارێن دیژى ده‌سته‌سه‌ركرن، كو بزاڤ دكرن ب ترۆمبێلێن پرى كوچبه‌رڤه ژ ده‌رییێ سنوورى پورتۆ سێریسیۆ یێ باكوورێ میلانو ده‌ربازبن.</span></h3> <h3 style="text-align: justify;"><span style="font-size: 18pt;">ل دووڤ به‌رپرسێن ئیتالیا، بۆ ماوێ چه‌ند هه‌یڤان پۆلیس چاڤدێرییا لڤینێن ئه‌وى كه‌سى كرییه، كو ئاكنجییێ ئیتالیایه و خودان بزنسه‌كا بچووكه.</span></h3>
