ل دووماھییا ڤێ ھەیڤێ 250 میگاواتێن کارەبێ دێ زێدە بن

ئاژانسا خانی ، تایبەت:

پەیڤدارێ وەزارەتێ کارەبێ ئاشکرا کر، د نوکە دا سێ ھزار و ٤٠٠ میگاوات کارەبێ دھێتە بەرھەمئینان و دبێژیت، بڕیارە دووماھییا ڤێ ھەیڤێ ٢٥٠ میگاواتێن کارەبێ ل ویستگەھێ بازیان زێدەبن.

ئۆمێد ئەحمەد، زێده‌تر بۆ ئاژانسا خانی دیار کر” د نوکە دا سەرجەمێ کارەبا دھێتە بەرھەمئینان ل ھەرێما کوردستانێ سێ ھزار و ٤٠٠ میگاواتن، بەلێ ھەرێما کوردستانێ پێدڤی ب شەش ھزار میگاواتێن کارەبێ ھەیە و ئەو کارەبا نوکە دھێتە بەرھەم ئینان ٥٠% ێ یا خواستا وەلاتییانە بۆ بکارئینانا کارەبێ، کێمبوونا دەمژمێرێن کارەبێ پەیوەندی ب زێدەبوونا خواستا وەلاتیانە ل سەر کارەبێ نەک بەرھەم کێم ببیت.

ناڤهاتی گۆت ژی” دووماھییا ڤێ ھەیڤێ دێ ٢٥٠ میگاواتێن دی یێن کارەبێ ل ویستگەھا بازیان کەڤنە کاری و زێدەبن، بەرھەم بەردەوام زێدە دبیت، بەلێ ژبەرکو د ھەمبەردا خواست ل سەر بکار ئینانا کارەبێ زێدە دبیت ئەڤەژی بوویە ئەگەر چەند بەرھەم زێدە بیت دەمژمێرێن کارەبێ زێدە نابن.