ئێڤاریا ئه‌ڤرۆ ئومێد خوشناو پارێزگارێ هه‌ولێرێ سه‌رپه‌رشتیا كۆمبوونه‌كا به‌رفره‌هـ كر ل دۆر به‌رهه‌ڤیێن ئاهه‌نگێن سه‌رێ سالێ ل هه‌ولێرێ كو تێدا نوونه‌رێن هێزێن پۆلیس، ئاسایش، زێره‌ڤانی، هاتن و چوون، ساخله‌می و به‌رگریا شارستانی تێدا به‌رهه‌ڤببوون و ئه‌و جهێن گه‌شتیار قه‌ست دكه‌نێ ئه‌ركێن ڤان هێزان ل سه‌ر هاتنه دابه‌شكرن.
سالانه ژماره‌كا زۆر یا گه‌شتیاران ب هه‌لكه‌فتا بهێنڤه‌دانێن سه‌رێ سالێ قه‌ستا هه‌ولێرێ و باژێرێن دن یێن كوردستانێ دكه‌ن و قه‌لایا هه‌ولێرێ ب جوانترین شێوه دهێته خه‌ملاندن و دیمه‌نه‌كێ بالكێش دده‌ته گه‌شتیاران.
