جڤاتا ئاسایشا نەتەوێن ئێكگرتی د راگەهاندنەكێ دا هێرشێن ڤان دۆماهییان یێن داعشێ ل سنۆرێ سەلاحەددین و دیالە ب تۆندی ئیدانەكرن و داخواز ژ وەلاتێن ئەندام كر هاریكارییا عیراقێ بكەن.
هەر د راگەهاندنێ دا هاتییە، ئەندامێن جڤاتێ پشتەڤانییا خۆ بۆ سەربەخۆیی، سەروەری و ئێكپارچەیی و پرۆسەیا دیمۆكراسییا عیراقێ دۆپاتدكەن. د هەمان دەم دا جڤاتا ئاسایشێ داخواز ژ هەموو وەلاتان كر ل دویڤ یاسایا ناڤدەولەتی و بریارێن جڤاتێ دگەل حكومەتا عیراقێ و لایەنێن پەیوەندیدار ل دۆر ڤی بابەتی هەماهەنگییێ بكەن.
رۆژا 18ی ڤێ هەیڤێ ل نێزیكی گۆندێ سەفرە ل باشوورێ كەركووكێ، كاروانەكێ پۆلیسێن فیدرالی یێن عیراقێ كەفتە ناڤ بۆسەیەكا داعشێ و بۆمبەكا چاندی پێڤە پەقی و د ئەنجام دا 11 پۆلیس هاتنە كوشتن و دوو یێن دی برینداربوون.
