سه‌باح سوبحى ئه‌ندامێ جڤاتا نونه‌رێن عیراقێ راگه‌هاند، ژبه‌ر هه‌بوونا ئاریشه‌كا ته‌كنیكى ژبۆ داگرتنا فورمێ و وه‌رگرتنا داخۆازیێن دامه‌زراندنێ ل رێزێن پاسه‌وانێن سنوورى راوستیاینه و د نوكه‌دا كار ل سه‌ر پێداچوونا رێنماییان و كاراكرنا لینكێ فورمێ دهێته‌كرن.
ناڤبرى دیار ژى كر، به‌رى ده‌مه‌كی لینكێ فورمێ هاتبوو كاراكرن ژبۆ هندێ داخوازكه‌ر بهێنه دامه‌زراندن وه‌ك پۆلیسێن پاسه‌وانیا سنوورى، به‌لێ ژبه‌ر ئاریشێن ته‌كنیكى بریار هاته‌دان پێداچوونێ د رێنمایى و لینكێ فورمێ دا بهێته‌كرن.
گوتژى، بریار هاتیه دان هه‌مو ئه‌و كه‌سێن وه‌ك پاسه‌وانێن سنوورى بهێنه دامه‌زراندن پێدڤیه كوردبن و ئاكنجیێن هه‌رێما كوردستانێ بن، و باوه‌رنامه و جهێ ئاكنجیبوونێ و ته‌مه‌ن و شیانێن كه‌سان دهێنه به‌رچاڤكرن.
