بانکا ڕافیدەین دێ بهایێ فروشتنا دۆلاری ئینیتە خارێ

بانکا رافیدەین بڕیار دا بهایێ فرۆشتنا دۆلارێ ئەمریکى بەرامبەر دینارى عێراقى بینیتە خارێ  و ل رۆژا 29ى کانوونا ئێکێ دێ دەست ب پێنگاڤان کەت.

رۆژا 28ى کانوونا ئێکێ یا 2022، بانکا رافیدەین راگەهاند کو بۆ بجهئینانا ڕینماییێن حکومەتێ و سیاسەتا بانکا ناڤەندی یا عیراقێ، بڕیار دایە ب کێمکرنا بهایێ دۆلارێ ئەمریکی بەرامبەر دینارێ عیراقی بۆ وان کەسێن گەشتان بۆ دەرڤەی وەلاتی دکەن.

ل گۆرەی ڕاگەهاندنەکێ، ل رۆژا پێنج شەمبی، 29 کانوونا ئێکێ 2022، دێ دەست ب جهئینانا وان پێنگاڤان هێتە کرن و دۆلارێ ئەمریکی بەرامبەری 1455 دیناران دێ هێتە فرۆشتن، د دەمەکی دایە پێشتر ل 22 کانوونا ئێکێ وێ بانکێ راگەهاندبوو کو دێ دۆلار ب 1465 دیناران ب گەشتیاران هێتە فرۆشتن، بڤێ چەندێ ژی 10 دینار ژ بهایێ دیناری بەرامبەر دۆلاری دێ هێنە خوار.

ئەو پێنگاڤە دێ ژ وان وەلاتییێن عیراقی گریت یێن کو گەشتێ بۆ دەرڤەی وەلاتی دکەن ب مەرەمێن گەشتیاری، چارەسەرییا ساخلەمییێ، خواندنێ، حەج و عومرێ و کوژم دگەهیتە 10 هزار دۆلاران بۆ هەر گەشتیارەکی.