داخویانییا نوو یا بانكا ناڤه‌ندییا عیراقێ ل دۆر بلندبوونا بهایێ دۆلارى

بانكا ناڤه‌ندییا عیراقێ رادگه‌هینیت، ل چه‌ند رۆژێن بهێن دێ ژماره‌‌كا رێنمایێن نوو ل دۆر بلندبوونا بهایێ دۆلارێ ئه‌مریكى بۆ هنده‌ك بانكان هێنه‌ده‌ركرن.

ئیحسان حه‌سه‌ن جێگرێ پارێزگارێ بانكا ناڤه‌ندی راگه‌هاند، ل ده‌مێ بوورى بانكا ناڤه‌ندییا عیراقێ ژماره‌كا رێكاران ب مه‌ره‌ما دابینكرنا دراڤێ بیانى بجهئینان و دئه‌نجامدا بهایێ دراڤێ بیانى ئه‌رزانبوو.

ئاماژه‌ ب هندێ ژیدا، ل چه‌ند رۆژێن بهێن بانكا ناڤه‌ندی دێ ژماره‌كا رێنمایێن نوو بۆ وان بانكان ده‌ركه‌ت یێن ژلایێ بانكا ناڤه‌ندیڤه‌ هاتینه‌ ده‌ستنیشانكرن كو ل رۆژێن بهێنڤه‌دانا فه‌رمى ( پێنجشه‌مب، ئه‌ینى، شه‌مبى و ئێكشه‌مبییێن بهێن ) كاربكه‌ن و ب شێوه‌یه‌كێ به‌رده‌وام دۆلارى ب فرۆشنه‌ وه‌لاتییان، و كار ژى بۆ دابینكرنا پێدڤییێن وان وه‌لاتییان بكه‌ن، یێن ب مه‌ره‌مێن خواندن، وه‌رگرتنا چاره‌سه‌رییێ و گه‌شتكرنێ پێدڤى ب دراڤێ بیانى هه‌ى.

دبه‌رده‌وامییا ئاخڤتنێن خوه‌دا جێگرێ پارێزگارێ بانكا ناڤه‌ندییا عیراقێ راگه‌هاند، پاره‌یێ دینارێ عیراقى ب شێوه‌یه‌كێ به‌رفره‌هـ ل بانك و گه‌نجینه‌یێن بانكا ناڤه‌ندى هه‌یه‌.