یائیر لابید، سه‌رۆكوه‌زیرێن دەم ب سەرڤەچووی یێ ئیسرائیلێ دوپات دکەت، چ حکومەتێن ئیسرائیلێ رێکێ ب ئیرانێ نادەن ببیتە خودان چەکێ ئەتۆمی.
د چوارچووڤێ برێڤەچوونا مەراسیمێن دەرچوونا ژمارەیەکا فرۆکەڤانان، یائیر لابید، سەرۆکوەزیرێن دەم بسەرڤەچووی یی ئیسرائیلێ راگەهاند،” بەری دوو حەفتیان د مە ئۆپەراسیونەکا هەڤپشک دا دگەل هێزێن ئەسمانی یێن ئەمریکا ئەنجامدا، دیاربوو ئیسرائیلێ شیان هەنە ژ دویریا ب هزاران کیلۆمەتران هێرشێن ئەسمانی ئەنجام بدەت.”
هەروەسا گوت:” پێدڤییە دوژمنێن مە بزانن، ل دەمێ هەبوونا گەفان، ئەم چاڤەرێ نابین و مە ئەڤ بابەتە یێ دگەل سەرۆکوەزیرێن داهاتی بنیامێن نەتانیاهوی گوتوبێژ کری.”
ئاماژە کر ژی: “چ حکومەتێن ئیسرائیل ل داهاتوی ژی ناهێلن ئیران ببیتە خودان چەکێ ئەتۆمی، ئەگەر پێدڤی بکەت لڤینان ژی بکەین، بێی چ گومانەک دێ کەین.”
دووپاتکر،” پێدڤییە دوژمنێن مە بزانن، ژ پێخەمەت بەرەڤانییێ ژ ئیسرائیلێ، دوو دل نینین ژ بکارئینانا هەلیکوپتەر و فرۆکێن شەڕی، ئەگەر دوژمنێن مە د دویر بن یان نێزیک.”
