پەرلەمانێ ئیسرائیلێ(کنێست) ئەڤرۆ ڕاگەهاند، بۆ باوەری دان ب کابینا نوی دێ ب سەرۆكایەتییا بنیامین نەتانیاهۆ، سەرۆکێ پارتی لیکود كۆمبین و دێ بۆ جارا سیێ وەك سەرۆکوەزیرێن ئیسرائیلێ هێتە دانان .
ئەڤە د دەمەكیدایە هه‌ڤپەیمانیا نەتانیاهۆ د هەلبژارتنێن 01-11-2022دا، شیا 64 كورسیێن کنێست ب دەستڤەبینیت و ب توندترین راستەڕەوا هاڤپەیمانی د دیرۆكا ئیسرائیلێ دا دهێتە نیاسین.
د دیرۆكا ئیسرائیلێ دا نەتانیاهۆ ب درێژترین سەرۆكوەزیر هاتە دانان، جارا ئێكێ ل سالا 1996 هەتا سالا 1999 و پاش ل سالا 2009 هەتا 2021.
بنیامین نەتانیاهۆ ل 21-10- 1949 ژ دایك بوویە، 1984 هەتا 1988 بالیۆزێ ئیسرائیلێ ل نەتەوەیێن ئێكگرتی بوو، سالا 1988 بوو ئەندام پەرلەمانێ ئیسرائیلێ، ل سالا 1993 وەك سەرۆکێ پارتیا لیکود هاتە هەلبژارتن، ل سالا 1999 دەست ژ سیاسەتێ بەردان بەلێ ل سالا 2006 جارەكا دی وەك سەرۆکێ پارتیا لیکود هاتە هەلبژارتن.
