ڤلادیمێر پوتن، سەرۆکێ رووسیا بهەلکەفتا سالا نوو پەیامەک بەلاڤکر، تێدا ئاماژەکریە، مافێ ئەخلاقی و دیرۆکی یێ رووسیا بوو، شەڕی ل دژی ئۆکراینا بەرپا بکەت.
ڤلادیمێر پوتن سه‌رۆكێ رووسیا د پەیاما خۆ دا، د چوارچوڤێ سەرەدانەکێ دا بۆ لایێ ژمارەیەکا سەربازێن رووسی گوت:” سالا 2022، سالا ئێکلایکرنا ئاریشەیان بوو، بنەمایەک بوو بۆ سەربەخۆ بوونا مە.” گوت ژی:” ئەم بۆ گەل و ئاخا رووسیا شەڕی دکەین.”
پوتن رەخنە ل وەڵاتێن ڕۆژئاڤا گرت و راگەهاند، ئەوان پێشبینییا ژناڤچوونا پیشەسازی و ژێرخانا رووسیا دکر، بەلێ وەسا نە دەرکرڤت، ئەمریکی و ئورۆپییان، ئۆکراینا و گەلێ وێ بۆ بەرژەوەندییێن خۆ و لاوازکرنا رووسیا و بزاڤکرنێ بۆ دابەشکرنێ بکارئینان.
سەرۆکێ رووسیا دوپاتکر، ئورۆپییان دەربارەی ئاشتییێ درەوکرن.
گوت:” دێ پێکڤە هەمی نەهامەتییان بورینین و رووسیا پارێزین.”
ل 24 شوباتا 2022، ب فه‌رمانا ڤلادیمێر پوتن، سه‌رۆكێ رووسیا وەلاتێ رووسیا هێرش بۆ سەر ئاخا ئۆکراینا دەستپێکر و ب وی ئەگەری ب هزاران کەس ژ سەرباز و وەلاتیان کوشتن و ب ملیونا ئۆکراینی ئاوارەی وەلاتێن ئورۆپی بوون و تا نوکە ژی ئەو شەڕە یێ بەردەوامە.
