نونه‌رێ پارێزگارێ دهۆكێ ماجد سه‌ید سالح بناڤێ پارێزگارێ دهوكێ پیروزباهیێن خوه ئاراسته‌ی سه‌روك و ئەندامێن ئەنجوومەنێ سەندیکایێ و هەمی پارێزەرێن کوردستانێ و ب تایبەتی یێن پارێزگەها دهۆکێ كرن و گوت دامەزراندنا سەندیکا پارێزەران پالپشت بویه بو سه‌روه‌ریا یاسایێ و بەرەڤانیکرنا مافێن پارێزەران و خواست به‌رده‌وامبن لسه‌ر چه‌سپاندنا سه‌روه‌ریا یاسایێ و هیفیا سه‌ركه‌فتنێ بۆ خواست .
هه‌ر ب ئه‌ڤێ هه‌لكه‌ڤتێ پارێزه‌رێن دهوكێ داخوازا ئه‌نجامدانا هه‌لبژاتنێن ده‌سته‌یا كارگێری یا سه‌ندیكایێ كرن “حه‌مدی به‌رواری ئێك ژ ئه‌ندامێن سه‌ندیكا پارێزه‌رێن دهۆكێ بۆ ئاژانسا خانی گوت: ده‌م بسه‌ر مێژوویا ئه‌نجامدانا هه‌لبژارتنێن ده‌سته‌یا كارگێریا سه‌ندیكایێ ڤه چوویه، هیڤیدكه‌ین ب زووترین ده‌م هه‌لبژارتنێن ده‌سته‌یا كارگێریا سه‌ندیكایێ بهێنه ئه‌نجامدان.
