دەستپێشخەریەک ژ وەزارەتا پەروەردێ بۆ نڤیسەران

ئالان حەمە سەعید، وەزیێ پەروەردێ راگەهاند، ب مەرەما پشتەڤانیکرنا نڤیسەران و و گرنگیدان ب چەندا بابەتان بۆ پەرتوکخانا کوردی و خواندەڤانێن خوشتڤی، وەزارەتا پەروەردێ رادگەهینیت، کو ئەو نڤیسەرێن پەرتوک هەین و خزمەتا ئێک ژ ڤان بوارێن هاتینە دیارکرن دکەن، وەزارەتا پەروەردێ یا ئامادەیە پەرتوکێن وان بێ بەرامبەر ل چاپخانا وەزارەتا پەروەردێ ل هەولێرێ بۆ چاپ بکەت، ب تیراژا 500 دانەیتان و هەمی پەرتوکان ژی بدەتە نڤیسەری.

 دیارکریە ژی، نڤیسەر یێ ئازادە ئەگەر پەرتوکان بێ بەرامبەر پێشکێش بکەت یان ژی ب پارەی بفروشیت و مافێ هەمی چاپکرنان ژی دێ بۆ نڤیسەری یێ پاراستی بیت.

ئاماژە کریە ژی، ئەو بوارە پێکهاتینە ژ:

1- ئەو پەرتوکێن خزمەتا هزرا نیشتیمانی و نەتەوەیی دکەن .

2- ئەو پەرتوکێن خزمەتا زمانێ کوردی دکەن د هەر بوارەکی دا.

3- ئەو پەرتوکێن خزمەتا بوارێ پەروەردێ دکەن.

4- ئەو پەرتوکێن خزمەتا بوارێ پێکڤە ژیانا گەلێ کوردستانێ دکەن.

5- ئەو پەرتوکێن خزمەتا بوارێ ژینگەهــ و ژینگەهــ پارێزیێ دکەن.

ئاشکرا کریە ژی، پێدڤییە نڤیسەری ژمارەیا سپاردنێ ل وەزارەتا ڕەوشەنبیری  یا حکومەتا هەرێما کوردستانێ وەرگرتبیت.

پێدڤیە، پەرتوک ب ئێک ژ ڤان ئەندازان هاتبیتە دیزاینکرن (17 سم پانی/ 24 سم درێژی) یان ( 21 سم پانی/ 29 سم درێژی)

دیارکریە ژی، پشتی وەرگرتنا ژمارەیا سپاردنێ و دیزاینکرنێ، نڤیسەر دشێن بەرهەمێن خۆ بۆ شیرەتکارێ وەزارەتا پەروەردێ ماموستا ( جەبار جەمال غەریب) بهنێرن، کو ژ لایێ وەزارەتێ ڤە هاتیە راسپاردن بۆ سەرپەرشتیکرنا دەستپێشخەریێ.

ئاماژە کریە ژی نڤیسەر دشێن ب رێکا ڤی ئیمێلی بەرهەمێن خۆ بهنێرن:

parwarda@moe.gov.krd