کاروان ستونی، رێڤەبەرێ راگەھاندنا حەج و عومرێ ل دهۆكێ بۆ ئاژانسا خانی ڕاگەهاند، دوھی ل وەلاتێ عەرەبساتا سعودی کۆنگرێ حەج و عومرێ هاتە ئەنجامدان و تێدا چەندین بڕیار لدۆر ئەنجامدانا پرۆسا حەجێ ھاتنەدان ژوان ژی زێدەکرنا رێژا حەجیان بۆ حەجا ئەڤسالە، چونکە سالێن بووری ب ئەگەرێ بەلاڤبوونا ڤایرۆسا کۆرۆنایێ ھژمارا حەجیان ھاتبوو کێمکرن ب مەرەما پاراستنا حەجیان ژ ڤایرۆسێ کۆرۆنایێ.
کاروان ستونی گۆت: بەری نوکە چەند مەرج ھاتبوونە دانان لسەر وان کەسێن فەریزا حەجێ بجهدئینن ژوان ژی دانانا ڤاکسینێ و مەرجێ تەمەنی ھاتبوونە دیارکرن، ھەروەسا 42%ێ رێژا حەجیان بۆ مالا خودێ ھاتبوو کێمکرن، بەلێ دێ رێژا وەرگرتنا حەجیان وەك بەرێ ئاسایی بیت ب ئەڤێ چەندێ ئەڤسالە ھژمارەکا زێدەتر یا وەلاتییێن ھەرێما کوردستانێ دشێن فەریزا حەجێ بجهدبینن.
