جەنەڕاڵ ئەفیف کۆخافی، سوپاسالارێ ئیسرائیلێ دیار کر، د چوارچوڤێ سالا بووری دا سوپایێ ئیسرائیلێ وەک گورزەکێ تۆلڤەکرنێ سێ پلان داناینە بۆ هێرشکرنا لسەر ئیرانێ ب مەرەما وێرانکرنا سازییێن وێ، دناڤ وان ژی دا سازییێن ئەتۆمی کو پشتەڤانییا بەرنامێ ئەتۆمی یێ ئیرانێ دکەن.
ل گۆرەی دەستەیا پەخشێ ئیسرائیلێ، کۆخافی گوتیە:”ئەگەر پێدڤی بوو کارێ مە بچیتە دناڤ شەڕەکێ مەزن دا ل وی دەمی دێ پێگەهێ لەشکەری و هندەک رێکارێن دی بۆ لیستا ئارمانجێن خۆ زێدە کەین.”
د داخویانیەکێ دا بۆ میدیایان کافی ڕاگەهاند،” ئیرانێ کەلوپەلێن پیتاندی یێن هەین کو تێرا بەرهەمئینانا چار بۆمبێن ئەتۆمی دکەن، سێ ژ وان ب ئاستێ 23% و ئێکا دی ب ئاستێ 60%.”
کۆخافی ئاماژەکر ژی، ” ئەم یێ کار لسەر دیارکرنا جهێ مووشەکێن ئیرانێ دکەین، ژ بۆ هندێ ل رۆژا بجهئینانا گۆرزی زۆرترین جهێن وان بکەینە ئارمانج و هەر وەسا ئەم یێ کار لسەر دروستکرنا سیستەمەکێ بەڕەڤانییا ئەسمانی دکەین بۆ سنووردارکرنا ڤان مووشەکان.”
