سەرۆکێ ئێکەتییا مامۆستایێن کوردستانێ ئاشکرا کر، ل سەرانسەری ھەرێما کوردستانێ ٣٢ ھزار مامۆستایێن وانەبێژ ھەنە و کار بۆ دامەزراندنا وان دھێتە کرن، چونکی کەرتێ پەروەردێ ل سەر ملێن وان مایە.
عەبدولواحد محەمەد، سەرۆکێ ئێکەتییا مامۆستایان بۆ ئاژانسا خانی دیار کر” پشتی دامەزراندن ھاتییە راگرتن نوکە ئەرکێ گران کەفتییە سەر ملێن وانەبێژان و ل سەرانسەری ھەرێما کوردستانێ ٣٢ ھزار وانەبێژ ھەنە و ل قوتابخانان مل ب ملێ مامۆستایێن ھەمیشەیی ئەرکێ خوە بجهـ دئینن، ئێکەتییا مامۆستایان بەردەوام ل سەر هێلێیه بۆ دامەزراندنا وانەبێژان و کەرتێ پەروەردێ ل سەر ملێن وانەبێژانە.
ناڤهاتی گۆت ژی” ل ھندەک قوتابخانان ھژمارا وانەبێژان زێدەتره ژ مامۆستایێن ھەمیشەیی ئەڤە ژی نیشانا وێ چەندێ یە حوکمەتێ پێدڤی ب خزمەتا وانەبێژان ههیە و ب ھەر رهنگهكێ ھەبیت دڤێت حوکمەت کار بۆ دامەزراندنا وان بکەن و سۆز ھاتییەدان پێداچوون بھێتە کرن بۆ دامەزراندنا وانەبێژان.
