شیره‌تكارێ سه‌رۆكاتییا توركییا: ئه‌گه‌رێ هێرشكرنێ بۆ سه‌ر سووریێ هه‌ر دێ مینیت

ئیبراهیم كالن شیره‌تكارێ سه‌رۆكاتییا توركیا راگه‌هاند: ئه‌نقه‌ره‌ پشكدارییێ د دورپێچ و سزایێن رۆژئاڤا ل دژى رووسییا دا ناكه‌ت.

دیار كر ژی: پشكدارییا توركییا د سزایێن رۆژئاڤا دا ل دژى رووسییا دێ زیانێن پتر هه‌بن بۆ ئابوورێ توركییا، ژبه‌ر ڤێ چه‌ندێ توركییا پشكدارى سه‌پاندنا وان سزایان نابیت.

ئاشكرا كر ژی: سزایێن رۆژئاڤا یێن ب سه‌ر رووسییا دا هاتینه‌ سه‌پاندن هه‌تا نوكه‌ كاریگه‌ر نه‌بووینه‌، ژبه‌ركو هه‌لویستێ رووسییا نه‌هاتییه‌ گوهۆرین، هه‌روه‌سا ده‌رفه‌ت ب ئۆكرانییا ژى نه‌هاتییه‌ دان، سه‌ركه‌فتنه‌كا له‌شكه‌رى یا ئێكلاكه‌ر بده‌ستڤه‌ بینیت.