ئەڤرۆ دوشەمبی” 16کانوونا دووێ ٢٠٢٣ ێ د. عه‌لی ته‌ته‌ر پارێزگارێ دهۆكێ” ب هەڤالینیا دەڤەردارێ شێخان و بەرپرسێ لقێ 20 یێ پ.د.ک و رێڤەبەرێن گشتی یێن پەروەردە و باژێرڤانیان و رێکوپرا بەرێ بنیاتێ حەفت پرۆژان و پرۆژەکێ وەرزشی ڤەکر ب کۆژمێ نەهـ ملیار و پێنچسەد و نازدە ملیۆن و سەد و هەشتێ ئێک هزار دیناران و ب ڤی رەنگێ ل خوارێ:
- سەخبێریکرن و قێرکرنا رێکێن ناڤخۆیی ل گەرەکا مەلاین ل سەنتەرێ باژێری و کەلەکچی و قەسرۆک و چرەیی و باعەدرێ بەرێ بنیاتی بۆ هاتە دانان.
- پرۆژێ بەرفرەهکرن و نووژەنکرنا تۆرا کارەبێ ل سەنتەرێ دەڤەرداری یێن قەسروک و باعەدرێ و کەلەکچی و هژمارەکا گۆندا دگەل رۆنکرنا جادا ل ئەتریش و گەهاندنا هێلێن کارەبێ بۆ چیایێ باشیکێ.
- پرۆژێ چێکرنا رێکێن ناڤخۆیی ل سەنتەرێ باژێرێ شێخان و ده‌ڤه‌رێن باعەدرێ و ئەتریشێ.
- پرۆژێ قێرکرنا رێکێن گۆندێن “ درویشان بۆ ئاڤدەلی بۆ تلجومەل بۆ زیناڤا کەڤن بۆ پر پیربوب” و قێرکرنا رێکا کەلەکچی بۆ تلجومەل و قێرکرنا رێکا کەلەکچی بۆ گۆندێ گەرمک بچووک و درۆستکرن و سەخبێریکرنا رێکا گۆندێن “کانی گۆل و زیناڤا میری”، بەرێبنیاتی بۆ هاتە دانان.
- پرۆژێ ڤەکرنا یاریگەها وەرزشی یا 11 یاریزانی ل سەنتەرێ کەلەکچی.
- پرۆژێ چێکرنا رێکێن ناڤخۆیی ل سەنتەرێ ناحیا کەلەکچی بەرێ بنیاتی بۆ هاتە دانان.
- پرۆژێ ئاڤاکرنا قۆتابخانەکا هەژدە رێزی ل سەنتەرێ کەلەکچی و ژ نێزیک ئاگەهداربوون لسەر قووناغێن بجهئینانا ئاڤاهیێ ناحیا کەلەکچی.
- پرۆژێ ئاڤاکرنا قۆتابخانەکا شەش رێزی ل کۆمەلگەها چرەیی بەرێ بنیاتی بۆ هاتە دانان.
