پەرلەمانتارەکێ پارتی: ئێکەتییێ ئاریشێن خوە ئیناینە دناڤا حوکمەتێ دا

ئاژانسا خانی ” تایبەت:

پەرلەمانتارەکێ پارتی ل پەرلەمانێ کوردستانێ دیار کر، ئێکەتییێ ئاریشێن خوە یێن حزبی تێکەلی حوکمەتێ کرینە و دبێژیت، ئێکەتی رێگرییێ ل خزمەت گوزارییان و کۆمکرنا داھاتی دکەت ئەڤە ددەمەکی دایە ئێکەتی پشکدارە دناڤا حوکمەتێ و دژی حوکمەتێ ژی کار دکەت.

وەیسی سەعید، ئەندامێ فڕاکسیۆنا پارتی ل پەرلەمانێ کوردستان بۆ ئاژانسا خانی دیار کر” ئاریشێن ئێکەتییێ بوونە ئەگەر ھەڤڕکی دناڤا حوکمەتێ دا پەیدا بیت و رێگری ل کارێن حوکمەتێ ھاتینە کرن، مخابن  بۆ بەرژەوەندیێن ھندەک کەسان دەستێوەردان ھەبوویە د کارێن حوکمەتێ دا و ھندەک کەسان خوە کرییە بەدیلێ حوکمەتێ ئەڤە ژی بۆ رێگر و ئاستەنگ ل ھەمبەر بجهئینانا بڕیار و رێنمایێن حوکمەتێ، ئێکەتی وەکی ھێزەکا ئۆپۆزسیۆن دژایەتییا حوکمەتا ھەرێما کوردستانێ دكه‌ت” ئەڤە د دەمەکی دایە ئێکەتی پشکدارا سەرەکییا حوکمەتێ یە.

وی پەرلەمانتارێ پارتی گۆت ژی” بەرپرسیاریەتی دکەڤیتە سەر ملێن ئێکەتییێ، چونکی زێدەتری مافێ خوە یێ ھەلبژارتنان پۆست و پلەیێن حوکمەتێ بۆ ئێکەتییێ ھاتینە دیار کرن، بەرۆڤاژی ل جھێ پشتەڤانیا حوکمەتێ بکەن ئێکەتی رێگرە ل کۆمکرنا داھاتێ ھەرێما کوردستانێ.

وەیسی سەعیدی گۆت ژی” پەیاما مەسرور بارزانی سەرۆکێ حوکمەتا ھەرێما کوردستان د چارچوڤێ ئەوێ بەرپرسیارا ناڤھاتی بۆ ھەتا راستی و دروستییا ئاریشەیێن ئێکەتیێ بۆ خەلکێ کوردستانێ دیار بن، چونکی وەلاتی یێن ھەرێما کوردستانێ دخواست بەرسڤەکێ وەربگرن لدۆر ئەڤان ئاستەنگێن ئێکەتی بۆ حوکمەتێ چێدکەت ھەر ل رێگری یێن وان بۆ گەھاندنا خزمەتگوزارییان و بەردەوامیدان ب سیاسەتەکا شاش ل دژی حوکمەتا ھەرێما کوردستانێ.