فڕاکسیۆنا پارتی ل بەغدا خوە ژ بۆ پڕۆژێن ئەڤ سالە بەرھەڤ دکەت

ئاژانسا خانی ، تایبەت:

جێگرێ سەرۆکێ فڕاکسیۆنا پارتی ل بەغدا ئاشکرا کر، فڕاکسیۆنا پارتی  کۆمبوویە و تێدا بەرھەڤی دھێنە کرن بۆ پلانا ئەڤ سالە ل پەرلەمانێ عێراقێ، ب تایبەتی ئەو پڕۆژە قانوونێن گرێدایی ھەرێما کوردستانێ.

مەریوان قەرەنی، جێگرێ سەرۆکێ فڕاکسیۆنا پارتی ل بەغدا بۆ ئاژانسا خانی دیار کر” دوھی فڕاکسیۆنا پارتی ل پەرلەمانێ عێراقێ کۆمبوویە و تێدا چەندین دانوستاندن لدۆر چەندین پرسێن گرێدایی فڕاکسیۆنا پارتی ھاتینە کرن، ژوان ژی خوە بەرھەڤکرنا فڕاکسیۆنا پارتی بۆ وەرزێ نوکە یێ پەلەمانی و کار کرن ل سەر ئەوان پڕۆژە قانوونێن گرێدایی ھەرێما کوردستانێ.

ناڤهاتی گۆت ژی” فڕاکسیۆنا پارتی مەزنترین فڕاکسیۆنا پەرلەمانێ عێراقێیە و بەردەوام ژی کار بۆ مافێن وەلاتییان دکەت ب تایبەتی ژی مافێن خەلکێ ھەرێما کوردستانێ ل بەغدا” بێگومان ھەموو ئەو پڕۆژەیێن گرێدایی ھەرێما کوردستانێ بێی لبەرچاڤ گرتنا مافێن ھەرێما کوردستانێ رێکێ نادەین دەرباز ببن، فڕاکسیۆنا پارتی دێ بەردەوام بیت ل سەر ئەرکێ خوە بۆ خزمەتا وەلاتییان.