ب چاڤدێریا پارێزگارێ دهۆكێ بهرێ بنیاتى بو كومهكا پرۆژا ل ناوچهدارین زاویته ومانگێشكێ هاته دانان وهندهك هاتنه ڤهكرن
بو دووڤچونا پرۆژێن خزمهتگوزارى ئهوێن ل دهڤهرداریا دهۆكێ دهێنه ئهنجامدان ئهڤرۆ سپێدێ رۆژا پێنچشهمبى 19/ كانوونا دووێ /2023 ب چاڤدێریا بهرێز د.عهلى تهتهر پارێزگارێ دهۆكێ وب ئامادهبونا بهرێزان جههوهر عهلى دهڤهردارێ دهوكێ ورێڤهبهرێ ناوچهداریا مانگێشكێ وچهند رێڤهبهرێن گشتى یێن پهیوهندیدار بهرێ بنیاتى بو چهند پرۆژان ل سنورێ دهڤهرداریا دهۆكێ هاته دانان وچهند پرۆژه هاتنه ڤهكرن :-
1- ڤهكرنا پرۆژێ قێركرن وسهخبێركرنا رێكا كومهلگهها باگێرا – مانگێشكێ ورێكێن نافخویى ب كوژمێ (396) ملیون دینارا.
2- دانانا بهرێ بنیاتى بو سهخبێركرنا رێكا گوندێ ملهمبانێ ب درێژیا (3,7)كم وسهخبێركرنا رێكا گوندێن دێرگژنیك بو بێسفكێ (2,1)كم قوناغا دووێ وسهخبێركرنا رێكێن گوندێ باجلور(1,2)كم ب گوژمێ (645) ملیون دینارا.
3- دانانا بهرێ بنیاتى بو سهخبێركرنا رێكا مانگێشكێ بو گوندێ بهروشكا سهعدوون ب درێژیا (5)كم وسهخبێركرنا رێكا ملهمبانێ بو راسلعهینێ ب درێژا (3)كم وسهخبێركرنا رێكا گوندێ ئاڵهكینا ب درێژا (4,8)كم وسهخبێركرنا رێكا گوندێ ئوزمانا سهرئاڤكێ دگهل كولانكێن قوتابخانا گوندى ب درێژیا (3,6) ببهایێ (1) ملیار و(626) ملیون دینارا.
4- دانانا بهرێ بنیاتى بوچێكرنا جوكێن ئاڤدانێ ل گوندێن بهروشكا سهعدونى ومێسكێ ب درێژا (1,200)كم وچێكرنا بیرێن سهر ئهرد بو گوندێن (بهندا- ئاڵهكینا –باجلور – بهروشكا سێڤێ – غهلبوكێ – زێوكا عهبوى) وچێكرنا بركێت كونكریتى بو گوندێن (خازیاڤا وچهمان وپیرموس وزێوكا عهبوى ومیمهدهلێ ) ل ناوچهداریێن زاویته ومانگێشكێ ب كوژمێ (273) ملیون دینارا.
5- ڤهكرنا پرۆژێ قێركرنا رێكا گوندێ (بانهسورا – چرانێ) ب درێژیا (12,5)كم ب كوژمێ (777).
6- دانانا بهرێ بنیاتى بو سهخبێركرنا رێكا گوندێ گهلناسكێ ب درێژیا(4,5)كم وسهخبێركرنا رێكا گوندێن شاوریكێ بو بروحهجهرا وناڤدارا ب درێژیا (2,5)كم ب كوژمێ (575) ملیون دینارا.
7- ڤهكرنا پرۆژێ قێركرنا رێكا گوندێ (بێشینكێ – بابوخكێ) ب كوژمێ (478) ملوین دینارا.
ل دور پرۆژان پارێزگارێ دهۆكێ گوت: ئهو پرۆژێن ئهڤرو مه ڤهكرین وبهرێ بنیاتى بو داناین بهایێ وان (4) ملیار و(774) ملیون دیناربوو وههموو ل سهر بودجا حكومهتا ههرێمێ هاتینه چێكرن .
ههروهسا تهكهزكر كو ل ساڵا نوو ژى 2023 كومهكا دى یا پرۆژێن خزمهتگوزارى بو ههموو دهڤهردارى وناوچهدارى وكهمهلگهه وگوندان دێ هێنه راگههاندن وسوپاسیا سهروكێ حكومهتا ههرێما كوردستانێ كر كو بهردهوام پشتهڤانیا كاروانێ ئاڤهدانیێ ل پارێزگههێ دكهت .
