ئهڤرۆ شهمبییێ 2023/1/21 ێ” ل دهمێ سهرهدانا خۆ دا بۆ بهغدا، نێچيرڤان بارزانى، سهرۆكێ ههرێما كوردستانێ ل گه ل ئالينا ڕۆمانۆوسكى، باڵيۆزا ئهمريكا ل عێراقێ كۆمبوو.
د وێ كۆمبوونێ دا پهيوهندی یێن ههولێر ـ بهغدا و داوی پێشهاتێن گوتۆبێژێن حكومهتا فيدرالییا عێراقێ و حكومهتا ههرێما كوردستانێ بۆ چارهسهركرنا ئاریشێن ماینه ههلاویستی دناڤبهرا وان دا هاتنه بهحس كرن” ههردو ئالییان تهكهزی ل گرنگيیا چارهسهركرنا ئاریشان بۆ عێراقێ و ههرێما كوردستانێ كرییه و ههڤڕا بوون كو چارهسهركرنا ئاریشان دێ بیته ئهگهرێ ئارامییا عێراقێ و ڤێ دهڤهرێ.
ڕۆمانۆوسكى، پشتهڤانییا ئهمريكا بۆ گوتۆبێژان و بزاڤ و گاڤێن چارهسهركرنا ئاریشێن ههولێر ـ بهغدا دهربڕى و سوپاسییا ڕۆلێ ئهرێنيیێ سهرۆك نێچيرڤانى بارزانى و بزاڤێن وی بۆ چارهسهركرنا ئاریشان كر.
رهوشا ناڤخۆیا ههرێما كوردستانێ و گرنگيیا ئێكڕێزيیا لايهنێن كوردستانی، ڕێكخستن و چاكسازی یێن وهزارهتا پێشمهرگهیی، گرنگیدان ب پهيوهندی یێن عێراقێ و ههرێما كوردستانێ ل گهل ئهمريكا و بهرفرههكرنا بیاڤێن ههڤكاريیا ههڤپشك، ههروهسا چهند پرسێن جهێ گرنگییا ههردو ئالییان، تهوهرهكێ دیتر یێ وێ كۆمبوونێ بوون.
