سه‌قاناسه‌ك: سەرمایه‌كا دژوار برێڤه‌یه‌ و بەفر دێ باریت

محەمەد کەمال، شارەزایێ سه‌قاناسییێ دیار كر: ل 28 ی ڤێ هه‌یڤێ پێله‌كا سەرمایا دژوار دێ هەرێما کوردستانێ ڤه‌گریت و باران و بەفر دێ بارن، ئه‌و پێله‌ بۆ ده‌مێ حەفتییه‌كێ دێ یا بەردەوام بیت”.

ناڤهاتی گۆت ژی: لدووڤ نووترین پێشبینی، د وێ پێلێ دا دێ بەفر ل سەنتەرێ باژێرێن سلێمانییێ و هەلەبجە بارست، ل هەولێرێ ژی باران باش دێ باریت؛ ل دەوروبەرێن دهۆکێ ژی گه‌له‌ك بەفر دێ باریت و دناڤا باژێری دا دێ کێم بیت و دێ تێکەلی بارانێ بیت”.