سوبەهی شانده‌كێ پەرلەمانێ کوردستانێ دێ سه‌ره‌دانا‌ به‌غدا كه‌ت

ئاژانسا خانی ” زنار تۆڤی:

بریاره‌ سوبەهی دوشه‌مبی 23 / 1/ 2023 ێ”  شانده‌كێ پەرلەمانێ کوردستانێ سەره‌دانا بەغدا بكه‌ت و ئه‌و شانده‌ دێ دانوستاندنان ده‌بارەیی کۆمەكا پرسان كه‌ت.

محسن دۆسکی، ئەندامێ لژنا ناڤخۆ ل پەرلەمانێ کوردستانێ، بۆ ئاژانسا خانی دیار كر: سوبه‌هی شانده‌كێ پەرلەمانێ کوردستانێ دێ سەره‌دانا بەغدا كه‌ت و دێ ل گەل لژنا ئاسایش و بەرگرییێ ل پەرلەمانێ عێراقێ و بەرپرسێن ئەمنی یێن عێراقی کۆم بیت، مه‌ره‌ما ڤێ سه‌ره‌دانێ دێ گوتۆبیژ كرن بیت ده‌ربارەیی چەند پرسێن ئەمنی دەبێت، وەکو تۆپبارانکرنا ھەرێمێ و مەترسی یێن سەر خەلكێ ل ده‌ڤه‌رێن کوردستانی و ھەماھەنگییا زیده‌تر دناڤبه‌را ھەرێم و بەغدا د بیاڤێ ئەمنی دا.

ناڤهاتی گۆت ژی: “ھەرێما کوردستانێ بەردەوام د پێشکەفتنێ دایە، له‌وما بەردەوام دبیته‌ ئارمانجا ھنده‌ك ھێزێن نه‌ یاسایی ب تایبەت ل ده‌ڤه‌رێن مادێ ١٤٠ یێ ده‌ستووری” کو پشتی ١٦ی ئۆکتۆبەرێ پێشمەرگە لێ نەمایە و ڤالاهییا ئەمنی دروست بوویە، پتر ھێرش ل سەر ھەرێما کوردستانێ دهینه‌ كرن و بڕیار بوو ھێزا ھه‌ڤپشك بهێته دروست كرن” به‌لێ دروست نەبوویە، له‌وما دێ سەره‌دانا بەغدا کەین بۆ هندێ رێیه‌كێ بۆ وان پرسان ب بینین، هه‌ر د وێ سەره‌دانێ دا دێ به‌حسێ ره‌وشا ئەمنی و پرسێن ئەمنی ب گشتی هینه‌ كرن و وەکو ده‌ڤه‌رێن سنووری و ھەروەسا ھەماھەنگییا زێده‌تر د بیاڤێ ئەمنی دا دێ دناڤبه‌را ھەرێمێ و بەغدا ھەبیت”.