ئهڤرۆ سێشهمبی، فهرمانگهها میدیا و زانیاری یا حكومهتا ههرێما كوردستانێ دیار كر: لژنا بلند یا دووڤچوونا بجهئینانا یاسایا چاکسازییێ، ل 12 ی تەموزا 2020 ێ، د کۆمبوونا خوه سییێ دا یا تایبەت ب وەزارەتا کاروبارێن پێشمەرگەیی ڤه، بڕیار دا ب میکانیزمهكا نوو یا میلاک و بوودجەیێ هەردو یەکەیێن 70 و 80 بێخنه سەر وەزارەتا کاروبارێن پێشمەرگەیی.
ئهو ژی گۆتیییه، دڤان سێ سالان دا، بۆ ڕێکخستن و ئێکخستنا هێزێن دەرڤهیی وەزارەتا کاروبارێن پێشمەرگەیی، هژمارا لیوایێن ههڤپشك ژ 14 لیوایان كرینه 19 لیوا و میلاکێ وەزارەتێ ژی ژ 43 هزار و 347 پێشمەرگەیان بووینە 60 هزار و 16 پێشمهرگه.
فهرمانگهها میدیا و زانیاری دیار كرییه ژی، ب مهرهما ب ئەلکترۆنیکرن و ب سیستەمکرنا وەزارەتا کاروبارێن پێشمەرگەیی، بڕیار هاته دان كو مووچەیێ هێزێن پێشمەرگەیی ل بانکان و لدووڤ هژمارا تایبەت بهێته دان و نوكه هژمارا مووچە وەرگرێن پێشمەرگەیی لدووڤ هژمارا تایبەتا بانکی ژ 5 هزار و 818 پێشمەرگەیان گەهشتینە 33 هزار و 800 پێشمەرگەیان.
