لژنا بلندا ب‌ جینۆساید ناساندنا تاوانێن داعشێ پشته‌ڤانی ل‌ بریارا په‌رله‌مانێ ئه‌لمانیا كر

ده‌ر‌باره‌یی بڕیارا په‌رله‌مانێ ئه‌لمانیا بۆ ب جینۆساید ناساندنا تاوانێن داعشێ ل دژی كوردێن ئێزدی، لژنا بلندا ب جینۆساید ناساندنا تاوانێن داعشێ ل حكومه‌تا هه‌رێما كوردستانێ، راگه‌هاندنه‌ك به‌لاڤكر.

ئه‌ڤرۆ سێشه‌مبی، لژنا بلندا ب‌ جینۆساید ناساندنا تاوانێن داعشێ ل حكومه‌تا هه‌رێما كوردستانێ، كۆمبوونه‌ك ئه‌نجامدا، تێدا پشته‌ڤانییا خۆ بۆ بڕیارا په‌رله‌مانێ ئه‌ڵمانیا، ده‌رباره‌یی ب جینۆساید ناساندنا تاوانێن داعشێ به‌رامبه‌ر كوردێن ئێزدی نیشاندا و بلند نرخاند.

هه‌روه‌سا سوپاسییا په‌رله‌مان و گه‌ل و حكومه‌تا ئه‌ڵمانیا كر و دیار كر، سوپاسیا وان وه‌لاتان ژی دكه‌ین یێن كو ئه‌ڤ تاوانه‌ ب جینۆساید ناساندی‌، دێ كار كه‌ین بۆ هندێ وه‌لاتێن دیتر هه‌مان گاڤان بهاڤێژن.

گۆتییه‌ ژی، ناساندنا تاوانێن داعشێ و ب جینۆساید ناساندنا وان تاوانان، به‌رپرسیاره‌تییه‌كا یاسایی و مرۆڤییه‌.

دیسان پشته‌ڤانییێ ل وان خالان ژی دكه‌ن، یێن گرێدایی‌ ب‌ دادگه‌هكرنا تاوانباران و قه‌ره‌بووكرنا قوربانییان و جێبه‌جێكرنا رێككه‌فتنناما شنگالێ.