ده‌مه‌كه بهایێ پیڤازێ ل بازارێن دهۆكێ به‌راورد ژ مه‌هێن بوورى گرانبوویه، كو پیڤاز ب بهایه‌كێ ئه‌رزان دهاته فروتن د بازاریدا، لێ د نوكه‌دا بهایی ئێك كیلویا پیڤازان گه‌هشتیه نێزیكى 2 هزار دیناران.
جه‌هوه‌ر ئه‌حمه‌د ئیسماعیل ژ گومركێن فێقى تایبه‌ت بۆ ئاژانسا خانى گوت: نوكه ئه‌م پیڤازێ ژ ده‌رڤه هاورده دكه‌ین، ژ پاكستانێ و ئیرانێ دهێن، چونكۆ پیڤازا خۆمالى د ڤى وه‌رزیدا نینه، له‌ورا بهایێ پیڤازان گرانبوویه و هه‌روه‌سا بلندبوونا دۆلارى ژى كارتێكرن لسه‌ر كریه.
