به‌غدا بریارا هنارتنا كاروانه‌كێ دیتر یێ نه‌فتا سپی بۆ هەرێما کوردستانێ دا

حکومەتا فیدرالی بڕیار هنارتنا كاروانه‌كێ دیتر یێ نەفتا سپی یا ماڵان بۆ هەرێما کوردستانێ دا و وەزارەتا سامانێن سرووشتی یا حكومه‌تا هه‌رێما كوردستانێ راگه‌هاند، ل حه‌فتییا بهێت ئه‌و نه‌فته‌ دێ گه‌هیت.

ئه‌ڤرۆ چارشه‌مبی” وەزارەتا سامانێن سرووشتی یا حكومه‌تا هه‌رێما كوردستانێ دیار كر: 60 تەنكەرێن نه‌فتێ كو دبنه‌ دو ملیۆن لترێن نەفتا سپی، دێ ره‌وانه‌یی هه‌رێما كوردستانێ كه‌ت، ب هەماهەنگییێ ل گەل پارێزگه‌هان و ئیدارا سەربەخۆ بێبەرامبەر ل سه‌ر وه‌لاتییان دێ هێته‌ دابەشكرن.

هه‌روه‌سا گۆتییه‌، ژ وێ نه‌فتێ دێ 30 تانكەر بۆ پارێزگه‌ها هەولێرێ، دهۆك و ئیدارا سەربەخۆیا سۆران و زاخۆ هێنه‌ دابین كرن، هەروەسا 30 تانكەر بۆ پارێزگه‌ها سلێمانییێ، هەڵەبجە و ئیدارا سەربەخۆیا گەرمیان و راپەرین هێنه‌ دابین كرن.