ئێڤارییا ئەڤرۆ چارشەمبی 2023/1/25 نێچيرڤان بارزانى، سهرۆكێ ههرێما كوردستانێ، پێشوازى ل تۆبياس ليندنهر، وهزيرێ دهولهتێ ل وهزارهتا دەرڤە یا فیدڕالی یا ئەڵمانیا و شاندێ دگەلدا کر.
د کۆمبوونێدا ليندنهر دووپاتكر کو ئهڵمانيا به گرنگیڤە بەڕێخودانێ بۆ پەیوەندییێن دگەل عیراق و هەرێما کوردستانێ دکەت و خوازیارە د هەمی بیاڤان دا گرنگییێ ب پێشڤەچوونا پەیوەندییان دگەل بەغدا و هەولێرێ بدەت، ب تایبەتی ژی د بیاڤێ ئابووری دا، هەر د ڤی چوارچوڤەی دا باس ل دوماهی سەرەدانا سەرۆکوەزیرێن عیراقا فیدڕال محەمەد شیاع سوودانی بۆ ئەڵمانیا کر، هەردوو لا دوپاتی ل گرنگییا سەقامگیریا سیاسی ل عیراق و هەرێما کوردستانێ بۆ پێشکەفتنێ د هەمی بواران دا کر.
سهرۆک نێچيرڤان بارزانى، سوپاسی و پێزانينێن ههرێما كوردستانێ بۆ ئهڵمانيا دوپاتكرن بۆ هەڤکاری و هاریکاریکرنا ههرێما كوردستانێ و عێراقێ د شهڕى دژى تيرۆرێ و بەرهەنگاربوونا داعش دا، هەر وەسا بۆ ب جینۆساید ناساندنا کۆمکوژییا ئێزدییان ل پەرلەمانێ ئەڵمانیا، هەردوو لا هەڤڕابوون لسەر وێ چەندێ کو هێشتا داعش مەترسیەکا ڕاستەقینەیە و گەفەکا جددییە لسەر ئاسایشا دەرڤەرێ و عیراقێ.
پهيوهندیێن ههولێر و بهغدا و گوتوبێژا چارهسهرکرنا ئاریشەیان، ڕەوشا ناڤخۆ یا هەرێما کوردستانێ، پەیوەندییێن عیراق و هەرێما کوردستانێ دگەل وەلاتێن جیران و دەڤەرێ و چەند پرسێن دی جهێ گرنگیدانا هەڤپشک، تەوەرەکێ دی یێ کۆمبونێ ببون.
