د پەیامەکێ دا، محهمهدێ حاجی مهحمود ڕاگەهاندیە، “د ڤی دەمیدا، داخوازێ ژ کوردان دکەم ژ ئەڤرۆ پێڤە خۆ و نەتەوەیێ کورد و و قەوارەیێ سیاسی یێ هەرێمێ نە دەنە دەستێ قەدەرێ، دادگەهەکا عەرەبی کۆمەکا بڕیارێن نە د جهێ خۆ دا داینە، وەکی کو خۆ ب وارسێ کوردان دزانیت، ب بووجوونا من پێدڤیە کورد خۆ ژ بەغدا ڤەکێشن و چ پەیوەندی دناڤبەرا کورد و بەغدا دا نەمینیت و چ نوینەراتییێن عیراقێ ژی ل کوردستانێ نە مینن.”
هەر وەسا نڤیسیە: “ئەوا عیراق دکەت دوژمناتییا گەلێ کوردە و پێدڤییە دادگەها بلند یا کوردستانێ ژی بڕیارەکا ئێکلاکەر بدەت کو ئەو دادگەها عەرەبی یا کو ل بەغدا دادگەهەکا فیدڕالی نینە و دادگەهەکا نە دەستووریە و چ بڕیارێن وێ لسەر کوردستانێ نا هێنە بجهئینان.”
دوپاتکریە،” عیراقێ پێدڤی ب دادگەهەکا دەستووری هەیە و ئەو دادگەها نوکە لسەر دەمێ دەستوورێ عیراقێ هاتیە دامەزراندن و چ شەرعیەت نینە.”
