ئیدارا سەربەخۆیا زاخۆ ڕاگەهاند، ئەڤرۆ گوهدار شێخۆ، سەرپەرشتێ ئیدارا سەربەخۆ یا زاخۆ، پێشوازی ل دکتۆرا مۆنا یاقۆ، سەرۆکا دەستەیا مافێ مرۆڤی ل حکومەتا هەرێما کوردستانێ و شاندێ د گەلدا کر و د ڕوونشتن و هەڤدیتنا خوەدا، بەحس ل بابەتێ گرێدایی مافێ مرۆڤی ب گشتی ل هەرێما کوردستانێ و سنوورێ ئیدارا سەربەخۆ یا زاخۆ هاتە کرن.
گوهدار شێخۆ گۆت، زاخۆ باژێرەکێ پێکڤە ژیانا بێ وێنەیە و نموونەیەکا زندییە لسەر ئاستێ عیراقێ هەمیێ، ئەڤە ژی جهی شانازییا مە یە ل سنوورێ ئیدارا سەربەخۆ یا زاخۆ، هەمی ئۆل و نەتەوە و ئایین پێكڤە دژین و بێیی جوداهی و هەروەسا ئامادەییا خۆ بۆ هەر کارەکێ پێدڤی دیاركر.
