<h3 style="text-align: justify;"><span style="font-size: 18pt;">سهرۆكێ حكومهتا ههرێما كوردستانێ پێشوازى ل كونسۆلا گشتییا نوو یا بریتانیا ل ههرێما كوردستانێ كر و چهند بابهت دگهلدا گوتوبێژكرن.</span></h3> <h3 style="text-align: justify;"><span style="font-size: 18pt;">مهسرور بارزانى سهرۆكێ حكومهتا ههرێما كوردستانێ پێشوازى ل رۆزى كهیڤ كونسۆلا گشتییا نوو یا بریتانیا ل ههرێما كوردستانێ كر و د دیدارهكێدا سهرۆكێ حكومهتێ پیرۆزباهییا دهستبكاربوونێ ل كونسۆلا گشتییا نوو یا بریتانیا كر، هیڤییا سهركهڤتنێ بۆ خواست و ههموو پشتهڤانییا حكومهتا ههرێما كوردستانێ بۆ كونسۆلا نوو ژ پێخهمهت پێشڤهبرنا پهیوهندییێن بهێز یێن دناڤبهرا بریتانیا و ههرێما كوردستانێدا دهربرى.</span></h3> <h3 style="text-align: justify;"><span style="font-size: 18pt;">ژلایێ خۆڤه كونسۆلا گشتییا نوو یا بریتانیا سوپاسییا هاریكارى و ههماههنگییا دامهزراوهیێن حكومهتا ههرێما كوردستانێ دگهل كونسۆلخانهیا وهلاتێ خوه كر، و حهزا وهلاتێ خوه بۆ پێشڤهبرنا پهیوهندییێن ههموولایانه دگهل ههرێما كوردستانێ دووپاتكر.</span></h3> <h3 style="text-align: justify;"><span style="font-size: 18pt;">تهوهرهكێ دییێ دیدارێ یێ تایبهت بوو ب گرنگییا كرنا ههلبژارتنانێن پهرلهمانێ كوردستانێ، سهرۆكێ حكومهتێ دووپاتى ل هندێ كر، كو پێدڤییه پرۆسهیا ههلبژارتنان ل دهمهكێ گونجاى یێ ئهڤ ساله بهێته كرن و بۆ ڤێ مهرهمێ ژى، حكومهتا ههرێما كوردستانێ دێ ههموو بهرههڤییان بۆ كرنا ههلبژارتنان كهت و پێدڤییێن وان بهردهست كهت.</span></h3>
