ئه‌مریكا سه‌باره‌ت كۆمبوونا پارتی و ئێكه‌تییێ: ماله‌كا ئێكگرتی هه‌رده‌م دێ یا سه‌ركه‌فتی بیت

ئه‌ڤرۆ شه‌مبییێ، هه‌ردو مه‌كته‌بێن سیاسی یێن پارتی و ئێكه‌تییێ ب مه‌ره‌ما  چاره‌سه‌ركرنا ئاریشێن دناڤبه‌را وان دا ل‌ سلێمانییێ كۆمبوون‌.

كونسولخانا گشتی یا ئه‌مریكا ل هه‌ولێرێ د‌ تویته‌ری دا راگه‌هاند‌، پێشوازییێ ل ڤێ بزاڤا هه‌ڤپه‌یمانێن خۆ ل هه‌رێما كوردستانێ بۆ چاره‌سه‌كرنا ئاریشێن ناڤخۆیی دكه‌ین، كو د به‌رژه‌وه‌ندییا خه‌ڵكێ كوردستانێ دایه‌.

هه‌روه‌سا گۆتییه‌، پارتی و ئێكه‌تی پێكڤه‌ دشێن كوردستانه‌كا ئارامتر و باشتر ئاڤا بكه‌ن و دیار كرییه‌” ماله‌كا ئێكگرتی، هه‌رده‌م دێ یا‌ سه‌ركه‌فتی بیت.