زێدان یێ ئاماده‌یه‌ بۆ جارا سێیێ ببیته‌ راهێنه‌رێ ریال مه‌درید

میدیایێن فره‌نسا دیار دكه‌ن، كو زینەدین زیدان ئامادەیە بۆ جارا سێیێ پۆستێ راهێنەراتییا یانا ریال مەدرید یا ئیسپانیا وەربگریت.

هه‌روه‌سا دبێژن، زینەدین زیدان راهێنەرێ به‌رێ یێ یانا ریال مەدرید یا ئیسپانیا، ئامادەیە بۆ جارا سێیێ ببیته‌ راهێنەرێ وێ یانێ، هه‌روه‌سا رۆژناما زەئەتلەتیک یا ئینگلیزی به‌لاڤه‌کرییە، زیزۆ پشتی بێ هیڤی بوویی ژ چەند یانە و هەلبژارتییان، بڕیار دا ڤه‌گه‌ریته‌ڤه‌ مەدرید.

هه‌روه‌سا، زیزۆ به‌ربژاربوو بۆ راهێنەراتییا هەلبژارتی یێن فرەنسا و بەرازیل و ئەمریکا، بەلێ وی ئه‌و هه‌موو هه‌لبژارتی رەتکرینە.

دیسان” زیزۆیی پلان هه‌بوویه‌ ئه‌ركێ راهێنه‌راتییا یانا یوڤێنتۆس وه‌ربگریت، به‌لێ ره‌وشا نوكه‌ یا یوڤێنتۆس و ژ ئه‌گه‌رێ گه‌نده‌لییێ زیزۆ ناچیته‌ وێ یانێ، چونكێ سه‌رۆكێ وێ یانێ ژی هاته‌ گوهۆرین.