سهرۆك بارزانى ل پیرمام پێشوازى ل جێنێرال مهكفارلێن فهرماندهیێ هێزێن ههڤپهیمانان ل سووریا و عیراقێ بۆ شهرێ دژى داعشێ و شاندێ دگهلدا كر.
د دیدارهكێدا رهوشا مهیدانییا شهرێ دژى تیرۆرستێن داعش هاته گوتوبێژكرن، و دووپاتى ل هندێ هاته كرن كو تیرۆر مهترسییهكا بهردهوامه و پێدڤییه كۆمهلگهها نێڤدهولهتى و ههڤپهیمان و وهلاتێن دهڤهرێ بزاڤ و ههماههنگییهكا بهردهوام دگهل ئێك بكهن داكو ئهڤێ مهترسییێ نههێلن، دههمان دیدار دا شاندێ مێڤان پهسنا رۆلێ هێزێن پێشمهرگهیێ كوردستانێ كر و ب هێزهكا تۆكمه و خودان وێرهكى هژمارت و ئهوژى راگههاند، ههڤپهیمانان حهزههیه پێشمهرگه ب ههناسهیهكا نوو و دامهزراوهیى بهێته رێكخستن.
دكۆمبوونێدا سهرۆك بارزانى سوپاسییا هاریكارى و ههماههنگییا ههڤپهیمانان دگهل هێزێن پێشمهرگهى دشهرێ دژى تیرۆستاندا كر، و ئاماژه ب هندێ دا، هێزێن پێشمهرگهیێ كوردستانێ گهلهك قوربانى دان، بهلێ ل دووماهییێ ههردهم سهركهڤتن دخهباتێدا بدهستڤهئینایه، ژبهركو خودان ئیرادهیا خوهیه و ل دووڤ دوزهكا رهوا چوویه و پێدڤییه ئهڤ چهنده یا بهردهوامبیت، و ئێدى هێزێن پێشمهرگهى ب گیانهكێ نیشتیمانپهروهرى و ئیراده و بیروباوهرى بهێته پهروهردهكرن و بهێزبكهڤیت.
