چالاکی یێن گهرا 15 ێ یێن فلمه فیستهڤالا نێڤدەولەتی یا ئۆستێندە ل بەلجیکا دەستپێکرینە و وێ فلمه فیستهڤالێ ل سالا 2007 ێ دهستپێكرییه و فلمێ ‘مێسی بەغدا’ ” كو ژ دەرهێنانا” دهرهێنهرێ كورد سەهیم عومەر خەلیفەیه، د پشكا ههڤركییان دایه بۆ ب دهستڤهئینانا خهلاتێ سهرهكی یێ وێ فیستهڤالێ.
سههیم عومهر خولیفه ” كو نوكه ل وهلاتێ بهلجیكا دژیت” د دیدارهكێ دا بۆ ئاژانسا خانی دبێژیت: ههتا نوكه کورتە فلمێ ‘مێسی بەغدا’ 60 خەلاتێن جیهانی ب دهستڤه ئیناینه، ل سالا 2022 ێ” وەک فلمهكێ سینەمایی یێ مهزن هاتییه بهرههمئینان و کارێ وێنەگرتنا وی فلمی ل هەرێما کوردستانێ هاتییه کرن، ئهڤ ساله ڤی فلمی پشكداری د فلمه فیستهڤالا نێڤدەوڵەتی یا ئۆستێندە كرییه و ل گەل حەفت فلمێن دیتر دێ ههڤركییێ ل سهر ب دهستڤهئینانا خهلاتێ سهرهكی یێ وێ فیستهڤالێ كهت.
ناڤهاتی گۆت ژی: گهرا 15 ێ یا فلمه فیستهڤالا نێڤدەولەتی یا ئۆستێندە ل 27 ڤێ ههیڤێ ل باژێرێ ئۆستێندە ل وهلاتێ بەلجیکا دەستپێکرییه و ههتا 4 ی شواتێ دێ بەردەوام بیت” ههروهسا بودجەیێ بەرهەمئینانا وی فلمێ سینەمایی ژ لایێ وهلاتێ بەلجیکا، هۆلەندا، ئەلمانیا و هەرێما کوردستانێ هاتییه دابینکرن و ل هەرێما کوردستانێ 500 هزار دۆلار ل بودجەیا وی فیلمی بۆ وێنەگرتن و بەرهەمئینانێ هاتینه خەرجکرن”
