داهاتێ هنارتنا نەفتا عێراقێ ل هه‌یڤا بوری پتری 7 ملیار دۆلاران بوویە

ل هه‌یڤا کانوونا دویێ عیراقێ پتر ژ 101 ملیۆن بەرمیلێن نه‌فتێ هنارتینه‌ داهاتێ وێ ژی 7 ملیار و 690 ملیۆن دۆلار بووینه‌.

وەزارەتا نەفتا عێراقێ دیار كرییه‌ ” لدووڤ ئامارێن کۆمپانیا فرۆشتنا نەفتا عێراقێ – سۆمۆ” كو سه‌رجه‌مێ گشتی یێ نه‌فتا خاڤ یا هاتییه‌ هنارتن ل هه‌یڤا کانوونا دویێ گەهشتییە 101 ملیۆن و 245 هزار و 95 بەرمیلێن نەفتێ، داهاتێ وێ ژی 7 ملیار و 690 ملیۆن دۆلار بووینه‌.”

وەزارەتا نەفتا عێراقێ دیار كرییه‌ ژی” ڕۆژانە تێکڕایا بهایێ بەرمیله‌كێ نەفتێ پتر ژ 75 دۆلار و 96 سەنتان بوویە.