دكتۆر لەتیف رەشید، سەرۆككۆمارێ عیراقێ دۆپاتی ل گرتنەبەرا رێكارێن پێدڤی ژبۆ دۆماهیئینانێ ب دۆسەیا ئاواران كر و راگەهاند، مانا ئاواران دناڤ كەمپان دا ب ڤێ رەوشا نالهبار یا ژیانێ جهێ قەبیلكرنێ نینە.
ل دویڤ راگەهاندنەكا سەرۆكاتییا كۆمارا عیراقێ، د دیدارەكێ دا دگەل غولام محەمەد ئیسحاق، رێكخەرێ مرۆڤی و جێگرێ نوونەرا تایبەت یا نەتەوێن ئێكگرتی ل عیراقێ و شاندێ دگەل دا كو ئیڤان فایەق، وەزیرا كۆچ و كۆچبەرێن عیراقێ ژی ئامادەبوو، دكتۆر لەتیف رەشید بەحس ل دۆسەیا ئاواران ل وەلاتێ خۆە كر و دۆپاتی ژی ل پێدڤییا ب هێزكرنا بزاڤان كر ل پێناڤی ئێكلاكرنا دۆسەیا وان و ڤەگەراندنا وان بۆ سەر جهـ و وارێن وان.
