د. فازل نەبی: حكومه‌تا عیراقێ دێ بریاره‌كا نوو سه‌باره‌ت هنارتنا 200 ملیار دینارێن هه‌رێما كوردستانێ ده‌ت

ئاژانسا خانی ” زنار تۆڤی:

بریكارێ به‌رێ یێ وه‌زاره‌تا دارایی ل عێراقێ ئاشکرا کر، حکومەتا عێراقێ پشتی بڕیارا دادگه‌ها فیدڕالی دڤێت بڕیاره‌كا نوو بۆ هنارتنا ٢٠٠ ملیار دینارێن ھەرێما کوردستانێ دەربکه‌ت” هه‌روه‌سا ده‌مێ دادگه‌ها بلند یا فیدرالی بریاردایی” 400 ملیار دینارێن هه‌رێما كوردستانێ نه‌هنێریت” شاندێ هه‌رێما كوردستانێ وه‌كو پێدڤی به‌ره‌ڤانی نه‌كر” چونكی به‌رگرییا دارایی هه‌بوو ئه‌م دشییان ل دادگه‌ها فیدرالییا عیراقێ بكه‌ین.

د. فازل نەبی، زێده‌تر بۆ ئاژانسا خانی دیار كر: به‌ری دەركه‌فتنا بڕیارا دادگه‌ها فیدڕالی ژی حكومه‌تا عێراقێ ٢٠٠ ملیار دینارێن پشکا ھەرێما کوردستانێ نه‌هنارتن، لدووڤ دا سەرۆکوەزیرێن عیراقێ رێیه‌كا دی بکار ئینا، ئەو ژی سیستەمێ قەری بوو” كو بكه‌ته‌ دناڤا پرۆژه‌ بودجێ عیراقێ دا، هه‌ر چه‌نده‌ وەزارەتا دارایی ل دژی وی گاڤێ ژی راوه‌ستییا و نوكه‌ سەرۆکوەزیرێن عیراقێ دڤێت بڕیاره‌كا دی دەربێخیت، ئەو ژی هنارتنا ٢٠٠ ملیار دینارێن هه‌یڤانه یێ هه‌رێما كوردستانێ نه‌” هه‌ر چه‌نده‌ هه‌تا نوكه‌ ئه‌و بریاره‌ ده‌رنه‌چوویه‌ و ئه‌م چاڤه‌رێیی وێ بریارێنه‌” دیسان ژی دبیت جاره‌كا دی وه‌زاره‌تا داراییا عیراقێ ئاریشان په‌یدا بكه‌ت” دیسان ل سه‌ر ده‌مێ كازمی ژی ل ماوێ 24 هه‌یڤان ب تنێ 7 هه‌یڤان بریاردا 200 ملیار دیناران بۆ هه‌رێما كوردستانێ ب هنێریت و دڤێت حكومه‌تا هه‌رێمێ ته‌نسیقه‌كا باشتر ل گه‌ل حكومه‌تا عیراقێ بكه‌ت” چونكی رێككه‌فتنێن مه‌ ل گه‌ل به‌غدا د ته‌مام نه‌بوون” دڤێت ل سه‌ر هووركارییان رێكككه‌فتن هاتبا كرن” له‌وما ئه‌و رێككه‌فتنه‌ نه‌هاته‌ بجهئینان” لێ ڤێ جارێ به‌غدا ژهی نییه‌ته‌كا باش نیشاندایه‌” كو 200 ملیار دینارێن هه‌رێما كوردستانێ وه‌كو قه‌ر ڤرێكه‌ن” هه‌تاكو بودجێ عیراقێ دهێته‌ په‌سه‌ند كرن.

ناڤهاتی ئه‌و ژی گۆت: پێنگاڤێن بانکا ناڤەندی هه‌تا راده‌كی د خاڤ و سستن، رۆژانە داخوازی پترن ژ خستنا دۆلاری بۆ ناڤ بازاری، بەلێ وان پێنگاڤان دێ کاریگەری ل سەر بهایێ دۆلاری هه‌بیت، هه‌روه‌سا چ چارەسەری نینن ده‌ربارەیی بهایێ دۆلاری بەرامبەر دینارێ عێراقی ب تنێ داكه‌فتن نه‌بیت، دیسان بهایێ دۆلاری دێ ھەر ڤه‌گه‌ریته‌ڤه‌ بۆ بهایێ خوه‌ یێ به‌رێ” لێ ڤێ چه‌ندێ ده‌م و پێرابوون دڤێن” هه‌كه‌ پێرابوونێن بله‌ز هه‌بانه‌” دا بهایێ دینارێ عیراقێ بلند بیته‌ڤه‌” دیسان هه‌كه‌ ئه‌و شاندێ عیراقی یێ دچیته‌ ئه‌مریكا شاره‌زایی هه‌بیت” دێ شێن كارتێكرنێ ل به‌رپرسێن ئه‌مریكی كه‌ن” چونكی ئه‌مریكییا نه‌ڤێت عیراق بكه‌ڤیت و وان دڤێت هه‌رده‌م هاریكارییا عیراقێ بكه‌ن.