سه‌رۆكێ كۆمسیۆنێ:  پێدڤییه‌ هه‌تا دووماهییا ڤێ هه‌یڤێ ئالی یێن سیاسى ل سه‌ر ئه‌نجامدانا هه‌لبژارتنان رێكبكه‌ڤن 

ئاژانسا خانی ” زنار تۆڤی:

سه‌رۆكێ كۆمسیۆنا بلندا سه‌ربه‌خۆیا هه‌لبژارتنان و راپرسییێ ل هه‌رێما كوردستانێ دیار كر: ژ پێخه‌مه‌ت ئه‌ڤ ساله‌ پرۆسا هه‌لبژارتنان ل هه‌رێما كوردستانێ برێڤه‌ بچیت” پێدڤییه‌  هه‌تا دووماهییا ڤێ هه‌یڤێ ئالی یێن سیاسى ل سه‌ر ئه‌نجامدانا هه‌لبژارتنان رێكبكه‌ڤن” چونكی ده‌مه‌كێ كێم ل پیشییا مه‌ مایه.

  هندرین محه‌مه‌د سالح” زێده‌تر بۆ ئاژانسا خانی دبێژیت: بۆ ئاماده‌كاری یێن ئه‌نجامدانا هه‌لبژارتنان ل هه‌رێما كوردستانێ” كو بریاره‌ ئه‌ڤ ساله‌ بهێنه‌ كرن” مه‌ پێدڤى ب چه‌ند هه‌یڤان هه‌یه‌‌ و بۆ ڤێ مه‌ره‌مێ ژى دڤێت لایه‌نێن سیاسى  ل سه‌ر چا‌وانییا شێوازێ هه‌لبژارتنان و ده‌مێ ئه‌نجامدانێ و راستڤه‌كرنا قانوونا هه‌لبژارتنان رێكبكه‌ڤن و دڤێت هه‌تا دووماهییا ڤێ هه‌یڤێ ئه‌و بابه‌ته‌ هه‌مى بهێنه‌ ئێكلا كرن.

ناڤهاتی گۆت ژی: دڤێت په‌رله‌مانێ كوردستانێ بابه‌تێ كاراكرنا كۆمسیۆنێ ئێكلا بكه‌ت و باوه‌رییێ پێ بده‌ت و هه‌روه‌سا سه‌رۆكاتییا هه‌رێما كوردستانێ ژى رۆژا ئه‌نجامدانا هه‌لبژارتنان دیار بكه‌ت و بودجه‌ك ژى بۆ كۆمسیۆنێ بهێته‌ ته‌رخانكرن” داكو ئه‌م ژی ئاماده‌كارییان بۆ ئه‌نجامدانا هه‌لبژارتنان بكه‌ین.