حسێن سهبرى رێكخهرێ وهزارهتا بازرگانییا ههرێمێ ل بهغدا دیار كر: پرۆسا ب ئهلكترونیكرنا فۆرمێن ئاهێن خوارنێ دهست پێكرییه و ل پارێزگهها نهجهف ب دووماهی هاتییه و نوكه ل دیالا دهێته بجهئینان.
وهسا بریاره پشتى پارێزگهها دیالا ل پارێزگهها دهۆكێ ژى بهێته بجهئینان و ئامادهكارى دهست پێكرینه ل ههمى فهرمانگههان.
ئهڤ ساله فۆرما ئاهێن خوارنێ نامینیت و دێ بیته سیستهمێ ئهلكترونى كو سیتهمهكێ پێشكهفتییه و ئێدى وهلاتى كار ب فۆرما كاغهزێ ناكهن.
ههروهسا گۆت ژی: سیستهمێ ئهلكترونى ب شێوهكێ پێشكهفتى هاتییه ئامادهكرن و وهلاتى بۆ زێدهكرنا ئهندامهكێ خێزانێ یان ل دهمێ وهغهركرنا ئهندامهكى كو ناڤێ وى بهێته ژێبرن ب تنێ ب رێیا مۆبایلێ دشێن مامهلێ برێڤه ببهن و پێدڤى ب سیستهمێ كلاسیكى یێ بهرێ ناكهت.
حسێن سهبرى گۆت ژی: ل قووناغا لدووڤ دا سیستهم دێ ب بریارێن خوارنێ ڤه هێته گرێدان و ل دهمێ هاتنا پشكا ئاهێن خوارنێ یێن ههیڤانه ب رێیا ئهلكترونى ڤه بریكارێن ئاهێن خوارنێ دێ وهلاتییان ئاگههدار كهت و ناڤێ وان مادێن بۆ وێ ههیڤێ دهێنه دابهشكرن دێ ل بهر دهستێ وهلاتییان بن.
