ڤه‌كۆلینه‌ك ل ئەمریکا ده‌ربارەیی جگارە کێشانا ژنێن دوگیان دیار دكه‌ت، کێشانا جگەره و نارگیلان د ماوێ دوگیانییێ دا مەترسییێ ل سەر ژیانا زارۆكی دروست دكه‌ت.
ئه‌و ڤه‌كۆلینه ل کۆلێژا نۆشداری ل زانکۆیا روتگێرز یا ئەمریکی هاتییه ئه‌نجامدان و دیار كرییه، ئەو زارۆیێن د ماوێ دوگیانییێ دا بەرکەفتی یێن مادێن ژەهراوی یێن دناڤا جگەرە و نارگیلێ بن، پشتی ژ دایکبوونێ پێنج جاران پتر ئەگەرێ گیان ژ دەستدانا وان زێده‌ترە.
د وێ ڤه‌كۆلینێ دا زانیاری یێن سێ هزار و 400 حاله‌تێن مرنا نه پیشبینیی کری یێن زارۆیان هاتینه کۆمکرن” كو پرانییا وان ل سالا ئێكێ یا ژییێ خۆ دا بێی هیچ نەخۆشییه‌ك هه‌بیت وان گیانێ خۆ ژ دەستدابوو، دەرکەفت جگارە کێشانا خانمێن سپی پیست 50٪ ێ مەترسییا گیان ژ دەستدانا زارۆیان زێده‌تره، بەلی ئەم رێژە لده‌ف خانمێن رەش پیست بۆ 25٪ ێ نزمبوویە.
دیار كرییه ژی: زارۆیێن وان ژنێن جگاران و نارگیلێ دکێشن، پتر تووشی نەخۆشی یێن زكماكی و گیان ژ دەستدانا پشتی ژ دایکبوونێ دبن.
باربارا ئۆستفێلد، بسپۆرا نەخۆشی یێن خانمان و سەرپەرشتییارا وێ ڤه‌كۆلینێ شیره‌تان ل خانمێن دوگیان دكه‌ت و دبێژیت: ‘هەر خانمه‌ك پێدڤییە شەش هه‌یڤان به‌ری دوگیانبوونێ خۆ ژ جگاران و نارگیلێ دووربکەت، ل ده‌مێ دوگیانییێ دا ب چ ره‌نگان ب كار نه‌ئینیت.
