پێكھاتە داخوازا زێدەکرنا ھژمارا کۆرسیێن کۆتا دکەن

نوونەرەکا تورکومان ل پەرلەمانێ کوردستانێ ئاشکراکر، پێکھاتەیان ھژمارەكا داخوازییان بۆ پرۆسه‌یا ھەلبژارتنان داینە نەتەوێن ئێکگرتی و ئێك ژوان داخوازیان زێدەکرنا ھژمارا کۆرسیێن کۆتایە ل پەرلەمانێ کوردستانێ کو د دەمێ نوکەدا 11 کۆرسیێن کۆتا ھەنە.

سارا دلشاد، پەرلەمانتارا تورکومان ل پەرلەمانێ کوردستانێ بۆ ئاژانسا خانی دیارکر، دووھی حزب و لایەنێن تورکومان ل دۆر پرسا ھەلبژارتنان کۆمبوون و چەندین داخوازی بەرھەڤکرن و پاشان دگەل نەتەوێن ئێکگرتی ژی كۆمبوون، لایەنێن تورکومان داخوازییێن خوە پێشکەشی نەتەوێن ئێکگرتی کرن ل ھەرێما کوردستانێ و بڕیارە پێشکێشی جنین پلاسخارت نوونەرا نەتەوێن ئێکگرتی ل عێراقێ بھێتەکرن.

سارا دلشاد ئاماژەکر، لایەنێن تورکومان داخوازکر ھژمارا کۆرسیێن کۆتا ل پەرلەمانێ کوردستانێ بھێنە زێدەکرن و نوونەرێ پێكھاتەیان ل کۆمسیۆنا ھەلبژارتنان ھەبیت، ھەروەسا مە داخوازکرییە سیستەمێ ھەلبژارتنان بۆ کۆرسیێن کۆتا ئێك بازنەبیت نەک فرە بازنەیی و چەند بازنەك بیت ھەتا کاریگەری لسەر دەنگێن پێكھاتەیان نەبیت ل ھەرێما کوردستانێ.