ل پشتی نیڤرۆیا ئهڤرۆ سێشهمبى 7ی شواتا 2023 ێ د. عهلی تهتهر پارێزگارێ دهۆكێ پێشوازی ل خانم “رۆزى كهیف” كونسۆلا وهلاتێ بریتانییا ل هەرێما کوردستانێ کر، دههڤدیتنهكێ دا بهحسێ پهیوهندی یێن دوقولى دناڤبهرا ههرێما كوردستانێ و بریتانییا و رهوشا پارێزگههێ ژ روویێ خزمهتگوزارى و ئێمناهیێ و رهوشا ئاواره و پهنابهران ل سنورێ پارێزگههێ و ئاریشا بێكارییێ و كارتێكرنا هشكه سالییێ ل سهر كهرتێ چاندنێ ب گشتى هاته كرن.
د تهوهرهكێ دی دا بهحسێ كلتۆرێ پێكڤه ژیانا ئۆلى و نهتهوهیى ل پارێزگههێ و بزاڤێن حكومهتا ههرێمێ ژبو خورتكرنا گیانێ برایهتى وههڤدوو قهبولكرنێ دناڤبهرا ههموو پێكهاتهیێن دهڤهرێ دا هاته كرن.
