بێوار عه‌بدولعه‌زیز: ئه‌م یێ بزاڤان دكه‌ین 17 كه‌سان ل ژێر ئاڤاهییه‌كێ هه‌رفتی دا ده‌ربێخین

ئاژانسا خانی ” تایبه‌ت:

بێوار عه‌بدولعه‌زیز به‌رپرسێ راگه‌هاندنا به‌ره‌ڤانییا باژێری ل پاڕێزگه‌ها دهۆكێ بۆ ئاژانسا خانی دیار كر: ئه‌و ل گه‌ل تیمه‌كێ شه‌ش‌ كه‌سی كو ب  سه‌ر وه‌زاره‌تا ناڤخۆ یا حكومه‌تا هه‌رێما كوردستانێ” ب هه‌ڤكاری ل گه‌ل تیمێن 122 یێن ساخله‌مییێ و ده‌زگه‌هێ خێرخوازی یێ بارزانی ل گه‌ل كۆمه‌كا هاریكارییان گه‌هشتینه‌ وه‌لاتێ توركیا” ژ پێخه‌مه‌ت رزگار كرن و ده‌رئینانا ته‌رمێن وان كه‌سێن ژ ئه‌نجامێ ئه‌ردهه‌ژێ ماینه‌ه‌ ل بن ئاڤاهییان ڤه‌.

ناڤهاتی گۆت ژی: نوكه‌ ئه‌و ل باژێركێ ئیسلاحییه‌ یێ سه‌ر ب پارێزگه‌ها دیلۆك ڤه‌نه‌” ل باكوورێ كوردستانێ” به‌رده‌وامن ل سه‌ر ده‌رخستنا وان كه‌سێن ماینه‌ دبن ئاڤاهییان ڤه‌” هه‌تا نوكه‌ ئه‌و شییانه‌ ته‌رمێ ژنه‌كێ ل بن وان ئاڤاهی یێن هه‌رفتی بیننه‌ ده‌ر.

بێواری دیار كر ژی: د نوكه‌ دا ئه‌و بزاڤان دكه‌ن بۆ ده‌رخستنا 17 كه‌سێن دی” یێن كو ماینه‌ دبن ئاڤاهییه‌كێ هه‌رفتی دا” ژ ئه‌نجامێ وی ئه‌ردهه‌ژێ” هه‌روه‌سا ئه‌و جهێ تیمین وان لێ كار دكه‌ن” زیانێن گه‌له‌ك مه‌زن گه‌هشتینه‌ وان ئاڤاهییان و ب  ده‌هان ئاڤاهی ژ ئه‌نجامێ ئه‌ردهه‌ژێ هه‌رفتینه‌.