ل ئێڤارییا ئەڤرۆ چارشەمبی ل سەر راسپاردا “مەسرور بارزانی” سەرۆکێ حکومەتا هەرێما کوردستانێ لژنەکا بلند بۆ کۆمڤەکرنا هاریکارییان ل پارێزگەها دهۆکێ بۆ هەردو وەلاتێن تورکییا و سوورییا هاتە پێکئینان.
د کۆمبوونێدا بریار هاتەدان هەر قائیمقامەک لژنەکێ ل سنۆرێ خۆ و ناحییه و کۆمەلگەهـ و باژێرکێن ب سەرڤە پێکبینیت و ب زووترین دەم هەر ژ سوبەهی دەمژمێر دەهی سپێدێ بۆ پێنجی ئێڤاری دێ دەستبکاربن و بۆ دەمێ پێنج رۆژان دێ یا بەردەوام بیت.
هەمی کەل وپەلێن دهێنە وەرگرتن پێدڤییە د نوو بن و تشتێ فەڕ وەکی خوارنا هشک و کەلوپەلێن نڤستنێ و پێدڤییێن زارۆکان و پارە ژی دێ هێتە وەرگرتن هیڤییە چ جها بێ پسۆلێن وەرگرتنێ کەلوپەل نەهێنە وەرگرتن.
جهێن کۆمڤەکرنا هاریکارییان ل سەنتەرێ باژێرێ دهۆکێ :
مزگەفتا جودی
مزگەفتا شەهیدان/ تاخێ شەهیدان
مزگەفتا قازی محەمەد/ تاخێ رەزا خوارێ
مزگەفتا کوردستان/ تاخێ زۆزان
مزگەفتا سەعید پیران/ تاخێ دیاری
قوتابخانێن” چرا ” لەپ زێرین و هۆلا چالاکیێن وەرزشی رۆژئاڤا ل شندۆخا.
