دۆلار چارچۆڤێ هەماهەنگییێ و ئەمریکا نێزیكی ئێك دكه‌ت

پشتی بلندبوونا بهایێ دۆلاری، لایەنێن دناڤا چارچۆڤێ هەماهەنگییێ بۆ ڕێکكەفتنێ ل گەل ئەمریکا و پارێزگاریکرنێ ل حکومه‌تا سوودانی، نەرمییاتی بەرامبەر ئەمریکا و مانا هێزێن هه‌ڤپەیمانان ل عێراقێ و گه‌له‌ك بابەتێن دیتر نیشان داینه‌.

ژ ئه‌ڤرۆ وێڤه‌ عێراق بۆ پارێزگاریکرنێ ل بهایێ دیناری و مانا حکومەتا سوودانی، ل ژێر هەژموونا لایەنێن ناڤ چارچۆڤێ هەماهەنگی، نه‌چارە گۆهدارییا ئەمریکا بکه‌ت و به‌رێ خۆ بده‌ته‌ وه‌لاتێ ئوردنێ، هه‌ر چه‌نده‌ یا ب زه‌حمه‌ته‌ ئەو لایەنێن عەرەبێن شیعی بشێن پشتا خۆ بده‌نه‌ ئیرانی، بەلێ دێ بزاڤێ كه‌ن باڵانسه‌كێ بۆ ره‌وشا نوكه‌ ببینن، ئەمریکا یا رژده‌ ل سەر هندێ، چاڤ نه‌قاندنێ ل سه‌ر برنا دۆلاری ژ عێراقێ بۆ ئیرانێ نه‌كه‌ت.

ل دوشەمبییا بوری لایه‌نێن چارچۆڤێ هەماهەنگیێ‌ كۆمبووینه‌،‌ ب ئاماده‌بوونا محه‌مه‌د شیاع سوودانى، سه‌رۆك وه‌زیرێن عێراقی، ل مالا حه‌یده‌ر عه‌بادى و رازی بووینه‌ كو دۆلار ب قه‌چاژی نه‌چیته‌‌ ئیرانێ” هه‌روه‌سا ئاسانكارییان بكه‌ن بۆ رێككه‌فتنا ئابووری یا ئوردن و عێراقێ” یاكو جۆ بایدنی پێشنیار كری، ب ڤی ره‌نگی واشنتۆن دێ پتر دۆلارى ده‌ته‌ عێراقێ.