جوتیار عادل، پەیڤدارێ حكومەتا هەرێما كوردستانێ ئەڤرۆ دكونگره‌كێ رۆژنامه‌ڤانیدا رەخنە ل حكومەتا فیدرالی گرت ژبەر راوەستاندنا ئەو پارەیێ هاتیە ده‌ستنیشانكرن ژبۆ مۆچه‌یێ فه‌رمانبه‌رێن هەرێما كوردستانێ.
ناڤبری دیاركر، شاندەكێ هەرێما كوردستانێ ل ڤان نێزیكان دێ سەرەدانا بەغدا كەت دا كو بیرو بۆچوونێن حكومەتا هەرێما كوردستانێ لدۆر یاسایا نەفت و گازێ و چه‌ند پرسێن دی بۆ حكومەتا فیدرال دیاركەت.
هەروەسا جوتیار عادل د كۆنگرەیێ رۆژنامەڤانیدا دیاركر، حكومەتا هەرێما كوردستانێ رێككەڤتنەك هەبوو دگەل حكومەتا فیدرال یا نوكه و یا به‌رێ كو 200 ملیار دیناران هەیڤانە بۆ مۆچه‌یێ فەرمانبەرێن هەرێمێ بهنێرن بەلێ حكومەتا نوكە و یا بەری وێ پێكگری ب رێككه‌ڤتنێ نەكرییە، هەروەسا دوپاتكر كو شاندێ هەرێما كوردستانێ دێ ئەڤێ خالێ ژی دگەل حكومەتا فیدرال گۆتۆبێژكەت.
