سهرپهرشتێ ئیدارهیا سهربهخۆ یا زاخۆ راگههاند وان ئێكهم كاروانێ هاریكارییان بۆ زیانڤێكهڤتییێن توركیا و سووریا بهرههڤكرییه و دێ بهرهڤ وان ههردوو وهلاتان برێككهڤیت.
سهرپهرشتێ ئیدارهیا سهربهخۆ یا زاخۆ گوهدار شێخۆى د پرێسكۆنفرانسهكیدا دیاركر، ل دهستپێكێ ئهو بناڤێ حكومهتا ههرێما كوردستانێ و ئیدارهیا سهربهخۆ یا زاخۆ سهرهخۆشییێ ل مالباتێن قوربانییێن ئهردههژێن توركیا و سووریا دكهن و سلامهتییێ بۆ برینداران دخوازن.
ههروهسا گوت: پشتى ل سهر راسپاردا سهرۆكێ حكومهتا ههرێما كوردستانێ مهسرور بارزانى بریار هاتییه دان كو ل ههموو باژێر و ئیدارهیێن سهربهخۆ هاریكارى بۆ قوربانییێن ئهردههژێن توركیا و سووریا بهێنه كۆمكرن، ئهوان ل ئیدارهیا سهربهخۆ یا زاخۆ دماوێ كێمتر ژ 24 دهمژمێراندا، شیان 12 بارههلگران ژ كهلوپهلێن جۆرهوجوور كۆمبكهن، و ئهو كهلوپهلێن هاتینه كۆمكرن ژى ههموو ل دووڤ پێدڤییێن خهلكێ توركیا و سووریا نه.
ل دووماهییێ گوهدار شێخۆى گوت: ههماههنگییهكا باش ل دۆر ڤێ ههوێ دناڤبهرا وان و لایهنێن پهیوهندیدار و وهزارهتا نافخۆ و فهرمانگهها پهیوهندییێن دهرڤه و دهزگههێ خێرخوازى یێ بارزانیدا ههیه، و ئهو سوپاسییهكا بێ سنۆر ل خهلكێ زاخۆ و وهبهرهێنهر و سهرمایهدارێن وێ دكهت، كو دهستێ هاریكارییێ درێژكرى و شیان دزووترین دهمدا 12 بارههلگرێن كهلوپهلان بهرههڤبكهن، و ل رووژێن بهێن دێ كاروانهكێ دییێ هاریكارییان بهرههڤكهن و ب زووترین دهم بۆ توركیا و سووریا هنێرن.
