وەبەرھێنەرێن کوردستانێ دێ ھاریکارییا زیانڤێکەڤتیێن تورکیا و سووریا کەن

بڕیارە ئێکەتییا وەبەرھێنەرێن کوردستانێ ھاریکارییا زیانڤێکەتیێن تورکیا و سووریا بکەن و جێگرێ سەرۆکێ ئێکەتییا وەبەرھێنەرانژی دبێژیت، داخوازێ ژ وەبەرھێنەران دکەین دھاریکاربن بۆ ڤێ کارەساتا سرۆشتی.

کەمال ئەحمەد، جێگرێ سەرۆکێ ئێکەتییا وەبەرھێنەرێن کوردستانێ بۆ ئاژانسا خانی دیارکر، ئێکەتییا وەبەرھێنەران کۆمبوویە و ھژمارەکا وەبەرھێنەران تێدا پشکدار ببوون، و بڕیاردایە وەكو ئەرکەکێ مرۆڤی ھاریکارییا وەلاتیێن زیانڤێکەتیێن تورکیا بکەن و ل چەند رۆژێن داھاتی ژی دێ ھاریکاری ژلایێ وەبەرھێنەرانڤه‌ ھێنە کۆمکرن و دووڤدا بۆ وەلاتیێن تورکیا و سووریا ھێنە ھنارتن.

کەمال ئەحمەد گۆتژی، ل سەر راسپاردەیا سەرۆکێ حوکمەتا ھەرێما کوردستانێ ئێکەتییا وەبەرھێنەران داخوازێ ژ ھەموو وەبەرھێنەران دکەت دەستێ ھاریکارییێ بۆ خەلکێ زیانڤێکەتییێ تورکیا و سووریا درێژ بکەن ، ژبه‌ركو مللەتێ مەژی چەندین جاران تووشی کارەسات و ئاوارەبوونێ بوویە و خەلك یێ ھاریکاربوویە نابیت ئەم وان رۆژان ژبیر بکەین.